Keda pendiente pa nos anochinan informativo pa 2024. Nos lo publica esakinan via e website aki, y nos Facebook page MiHigra.

Si ta desea di ricibi bishita di Lever Stichting Aruba pa un charla di informacion na bo scol, bo compania, fundacion of otro, por tuma contacto cu nos via e formulario di contacto aki of WhatsApp 5697787.

Biba Balansa

“Biba Balansa” na February 2024 a presenta un programa pa pone mas atencion preventivo riba cancer. Den e programa aki dr. Jreige ta splika un tiki mas di cancer di higra y tambe Lever Stichting Aruba.

Akinan por wak e programa completo.

Anochinan Informativo 2023

Den 2023 nos a tene dos anochi informativo pa asina completa e serie di anochinan informativo cu a cuminsa na aña 2019. Pa motibo di pandemia no por a termina cu tur e anochinan aki.

Na aña 2019 nos a tene anochinan informativo na Noord, San Nicolas, Savaneta, Santa Cruz y Paradera. Na 2023 nos a completa e serie aki di “Stima bo mes te den bo Higra” cu dos anochi mas na Oranjestad y Dakota.

Durante tur e anochinan aki nos a conta cu diferente orador, entre otro dr. Jreige, dr. Franca, Pacient Sra. Angelique Loefstop y nos Presidente Sr. Mayon Arends.

Charla Informativo na Aeropuerto di Aruba

Na Juni 2023, Aruba Airport Authority N.V. a tene su Health & Safety Awareness week, durante cual Lever Stichting Aruba a wordo invita pa duna informacion tocante e cuido di e higra. Dr. Jreige a representa Lever Stichting Aruba y asina a duna diferente informacion na empleadonan di aeropuerto y contesta tur e preguntanan cu tawata tin.