PBC (Primary Biliary Cholangitis) ta un malesa auto-inmunologico di e higra cu ta causa destruccion progresivo di e canalnan chikito di e higra cu ta transporta gal (“bile ducts”). Door di e daño causa na e canalnan aki e gal ta aumenta den e higra causando daño na e tehido di e higra cual por conduci na cirrhosis.
- PBC ta un malesa raro afectando tiki hende mundialmente
- Apesar di esaki na Aruba tin varios caso di PBC
- Diagostico hopi biaha ta rekeri test di lab, potret y biopsy di e higra
- No tin cura conoci, si tin tratamento disponibel
- E causa exacto no ta conoci
- E ta wordo considera como un malesa auto-inmunologico (ora bo curpa su sistema inmunologico incorrectamente ta ataca un of mas parti saludabel di e curpa)
- Tratamento ta inlcui medicamento y posibel transplante di higra
Symptomanan
Den e fase trempan di PBC, e persona por experiencia ningun symptoma.
Algun di e symptomanan trempan por ta:
o Cansancio
o Curpa ta grawata
o Wowo y boca ta bira seco
Symptomanan mas despues por inclui:
o Cuero y wowo ta bira geel (jaundice)
o Dolor den e parti drechi ariba di e barica
o Dolor di weso y musculo
o Cuero ta bira scur
o Diarea, af cu vet den dje
o Liquido den e abdomen
o Edema (pia y enkel ta hincha)
o Cholesterol halto
o Perdida di peso
Tratamento
E condicion no tin cura. Tratamento ta enfoca pa alivia e symptomanan y tarda e progreso di e malesa.
Medicamentonan cu por wordo prescribi na un pacient cu PBC ta inclui medicamento pa yuda e gal move door di e higra y ta mehora e funcionamento di e higra. Tambe den caso cu e pacient tin symptomanan di curpa ta grawata, wowo y boca seco, por prescribi medicamento pa esakinan tambe.
Aparte di e medicamentonan e pacient mester hiba un bida saludabel, comiendo balansa, manteniendo un peso adecua y abstene for di alcohol.
E progreso di PBC por conduci cu mester haci un procedura medico di transplante di e higra.
